卢总

由刘天赐、陶杰主持嘅清谈节目《斑马在线》逢星期一到五晚十点半，喺亚洲电视本港台播出。

 

个节目本身就唔错嘅，不过可惜啲字幕好多错字。

 

就好似寻晚就有若干错字，但我暂时就只记得「过一栋」－－应该系「过一戙」先啱！

 

各位睇到重有咩错字嘅，可以喺后面加上去。

highyun

亞視《斑馬在線》第一集字幕錯字

http://bbs.cantonese.org.cn/viewthread.php?tid=8338&extra=page%3D1

卢总

现场直播：

 

「o赵完唱」应该系「噍完唱」！

 

陶杰话「戴安娜嫁畀查尔斯……」，字幕居然打「戴安娜下嫁查尔斯……」，错得好交关！

卢总

寻晚陶生成晚将「亢龙有悔」讲成系「杭龙有悔」。

 

「亢」应该系读「抗」，例如我哋平时会接触到嘅「甲亢」、「高亢」、「不卑不亢」、「亢奋」……嘅「亢」都系读「抗」。

 

唔好以为「亢龙有悔」系「降龙十八掌」嘅招式，就讲成系「杭龙有悔」，「亢龙有悔」系出自《易经》，金庸只不过系借用咗其中某啲「经文」－－其实系「卦辞」，去命名佢啲武功招式而已！

highyun

琴晚三個主持都係讀「杭」嘅。以前睇電視電影都係讀「杭」，睇嚟導演監製嘅質素都有待提高。

 

喺度搵多啲錯字，可以一次過send畀亞視。

卢总

趁佢卖紧广告，记录一下：

头先字幕里面，将「在所不辞」写成「在所不持」。

highyun

頭先劉天賜講「波羅雞一味靠黐」，亞視個字幕寫成「菠蘿雞」。

 

劉生喺幾年前港臺嘅《俗語趣談》講過呢個詞：

1.JPG (21.98 KB)

2007-11-9 00:07

highyun

今晚講韋小寶，陶傑話「校長、阿Sir、啲Miss」，個字幕就打咗「校長、常的女教師」……ATV做字幕嗰班廢柴應該炒啦。

卢总

我怀疑啲字幕都系外判嘅－－家下呢个年代，乜都话「开源节流」，结果「流」系节咗，但质素就保证唔到，最终连「源」都「截」埋！

卢总

「满州人」竟然成咗「满洲人」！

vincent10

有无地方重温??

卢总

头先见到「意义」嘅字幕竟然系「意意」！

smallcat2006

呵呵  意义  意意都有？

卢总

两位主持同嘉宾，乃至金庸似乎都唔知道，「任」呢个姓应该读「淫」！

highyun

今日個學生話三位主持將金庸小說嘅內容融會貫通結合現實講出嚟，字幕嗰度「融會貫通」寫成「好普通」。

呢啲錯誤成日都有，舉唔晒。亞視整字幕嗰班友嘅聽力水平，令我好懷疑佢哋係咪香港人。

月影

引用:

原帖由 卢总 於 2007-11-21 02:53 發表 两位主持同嘉宾，乃至金庸似乎都唔知道，「任」呢个姓应该读「淫」！

逢語言都有樣要素叫「避諱」，「淫前淫後」貪過癮咩？關鍵根本唔係正唔正音問題～

換轉你係金大俠本人，都費事成日俾人開口埋口都「渣生」咁叫啩？

卢总

你哋有冇听到最后嗰个四眼仔话「将……‘赶’（讲）出嚟」？

卢总

引用:

原帖由 月影 於 2007-11-22 12:44 AM 發表 逢語言都有樣要素叫「避諱」，「淫前淫後」貪過癮咩？關鍵根本唔係正唔正音問題～換轉你係金大俠本人，都費事成日俾人開口埋口都「渣生」咁叫啩？ ...

嗱，唔好话我「正」你字嘞！你将「畀」作咗「俾」！

 

有冇听讲过「子不嫌母丑」？

佢系「渣生」，即使人哋唔系噉叫，都改变唔到呢个事实！

卢总

重有啊！已故老一辈革命家，中国CCP优秀党员，久经考验嘅忠诚嘅共产主义战士，原CCP中央顾问委员会委员、CCP广东省委原第一书记、广东省军区原第一政委任仲夷，当年从民间到官方都系叫佢「淫重疑」！

「渣老」会唔会真系介意人哋「揸」前「揸」后啊？

月影

引用:

原帖由 卢总 於 2007-11-22 01:05 發表 嗱，唔好话我「正」你字嘞！你将「畀」作咗「俾」！   有冇听讲过「子不嫌母丑」？佢系「渣生」，即使人哋唔系噉叫，都改变唔到呢个事实！ ...

我明明用作「給、讓」之意，點解唔係用「俾」？咪呃鬼我好喎～

總之好多時唔係下下死揸住個舊音唔放就以為一定啱晒，假如實現社會都接受「舊正新誤」作為對讀音態度的大原則的話，何大博士今時今日都唔會俾人狂插啦