57 123
發新話題
打印

粵語協會最具特色資源一覽(新會員必讀帖)

粵語協會最具特色資源一覽(新會員必讀帖)

  樓主按:鑒於有唔少新會員反映甫入協會網站同論壇即為其豐富嘅資源所迷困,未能一下子就捕捉到自己最迫切需要嘅訊息,故此為方便廣大粵語愛好者尤其是新嚟嘅網友快捷搵到各自所需嘅資源,特開此帖方便街坊準確迅速到達「現場」。資源選取嘅原則係以「人冇我有」嘅特色資源為主,亦即係喺其他地方搵唔到、甚難搵到同埋冇比之更系統性或及時性嘅內容;以協會原創且甚有「睇頭」嘅內容為輔。若果有補充意見請跟帖,樓主將一併匯集到此樓頂帖。(排名不分先後,序號祇為「企理」排列而設)
  
  1. 粵語拼音方案含眞人發聲範例(簡稱「粵拼」。特色:喺總結前人各種版本嘅粵語拼音方案嘅基礎上選取其中較優秀嘅方案並加以充實,最大好處係以26個a-z英文字母即可準確表達出所有粵音音素,方便電腦輸入;並附協會成員靚聲錄音範例方便學習掌握此套拼音)
  2. 輕鬆粵拼輸入法(最新版本:2.1。特色:眾會員苦心孤詣自行開發嘅粵語輸入法,免費版本,採用「粵拼」作為輸入編碼,每一個字詞都經過仔細編審再收錄,支持Unicode目前可輸入2萬幾漢字,具備其他同類粵語輸入法不可比擬嘅收字準確性及詳盡性,另外新版本即將面世,敬請關注)
  3. 粵語字打法大全(最新版本:2007賀歲版。特色:眾會員經過認眞縝密嘅粵語字收集、篩選、審核、編輯嘅結晶,並不斷補充完善,羅列包括流行輸入法紫光、五筆、全拼、倉頡及輕鬆粵拼嘅打字編碼,對於學習正確粵語字打法非常之實用。溫馨提示:請下載並安裝大字符集以方便顯示所有漢字)
  4. 在線粵語字典(特色:方便查找「粵語字打法大全」收錄嘅粵語字,有詳盡嘅註釋同例句,並可通過多種方式檢索,為互聯網首創)
  5. 每日一句與粵語有關之古詩詞(協會成員自行收集,廣泛收錄粵語同古語有關嘅專輯資料,充分體現出粵語古雅嘅一面,並保持每日更新,深受眾多文化愛好者歡迎,有望結集成書出版)
  6. 名家專欄(收集各類名作家刊載於報章雜誌嘅專欄文章,尤以香港健筆陶傑先生嘅專欄為主,每日清晨即有更新,比其他同類收集專欄文章嘅網站都要及時且有系統性)
  7. 《正字正確》《字正詞嚴》專欄(香港文化界名人彭志銘先生收集嘅粵語字詞專欄,每期第一時間轉錄於此,同大家娓娓道來各色粵語字詞嘅根由)
  8. 《難忘您的音韻》CD(協會聯同其他兄弟網站根據許冠傑經典金曲改編粵語歌詞、演唱灌錄嘅原創CD,非賣品,供粵語流行曲發燒友相互欣賞切磋歌藝)
  9. 粵講粵精彩(協會highyun自行錄製關於粵語方方面面嘅語音專欄,從中可以學習到唔少粵語基礎知識)
  10. 《老友記》粵語字幕版(協會余OK一手包辦字幕翻譯、合成錄製嘅外語劇,盡可能選取最地道嘅粵語表達方式翻譯,採用協會推薦嘅粵語用字作為學習粵字寫法嘅經典示範,如要索取錄像文件,請加入粵文化自由講群
  11. 經典影視對白(主要收錄由協會成員上海人凌凌漆早年根據周星馳電視對白自己一字一句詳盡記錄嘅成果,一番心血,資料難能可貴)
  12. 我口錄我心(一個由協會成員發動嘅用粵語朗讀經典文章嘅錄音行動,重拾漸已消逝嘅粵語教學記憶,同時對粵語朗讀、正確咬音訓練有莫大幫助)
  13. 《我手寫我心》翻譯擂臺(協會成員原創嘅經典文章普粵翻譯專欄,根據書面語翻譯成最地道嘅粵語表達方式,並嘗試以唔同角度切入翻譯,融會咗各人嘅粵語智慧,值得踴躍參與)
  14. 《妙語連珠》《咬文嚼字合訂本》電子書(會員掃描自制嘅電子版書籍,但要求會員達到一定經驗值先可以分享)
  15. 粵式俚語收集(眾人集腋成裘收集嘅地道且逐漸消失嘅粵式俚語專題)
  16. 《縱聲捧粵》專欄(協會西關原居民原創嘅專欄文章,每篇以短文形式記錄個人見聞感受,配以饒有趣味嘅「三及第」式文字,嘻笑怒罵皆成文章,道盡粵文化眾生百態,閱後常令人有意猶未盡之感,值得細心品讀開懷一笑,此專欄受會員歡迎程度極高)
  17. 粵語童謠最全集合(協會搜羅嘅網上最全面嘅粵語童謠專輯,帶你時光倒流,勾起點點美好嘅孩提記憶)
  18. 王亭之專欄(系統地收錄最齊全嘅王亭之先生對於粵語多方面話題精辟嘅見解,對粵語有較深入研究者容易產生共鳴或爭鳴)
  19. 粵協港臺受訪錄羊城晚報報道(粵協首次亮相電視及文字媒體嘅珍貴片段同專題採訪,趣味性十足,想對協會有進一步了解者不妨一睇)
  20. 《廣州方言詞典》舊式詞彙錄(收錄該詞典部分時下經已好少運用嘅詞彙,對有心研究粵語百年來變遷嘅朋友大有稗益)
  21. 《最緊要正字》全集下載(TVB經典粵語字詞講解專輯,生動有趣,深受粵語地區觀眾歡迎)
  22. 在線粵語國學班(粵協成員參加由一老先生教授四書五經、詩經等傳統科目嘅國學班,最難得嘅係老先生係以純正廣州話傳授,喺當下經已極難搵到。成員將課堂上所學之筆記及心得體會公諸同好,對國學有興趣者不容錯過)

  待續……

[此帖子已經被余OK於2007-4-27 21:15:43編輯過]

TOP

同意置顶,并将本帖网址摆埋入去新会员注册时弹出嘅信息内!
卢总有嘢讲:http://general-lo.blogcn.com
支持本地化,抵制普通话;实现国际化,推广广州话!
爱广州就要「唱衰广州」!

TOP

支持

TOP

樓主應該補充《縱聲捧粵》,呢個欄目係粵協成員嘅原創,受歡迎度極高。

另外論壇嘅資源下載版有蚊瞓版主定期更新,可以喺度搵到好多珍貴有用嘅資源。

以上資料由粵語協會Send畀你

TOP

QUOTE:
以下是引用卢总在2007-4-18 13:14:53的發言:
同意置顶,并将本帖网址摆埋入去新会员注册时弹出嘅信息内!

盧總提出嘅呢個建議極具建設性,絕對支持!

最緊要好玩,成日記住笑。

TOP

  已收錄《縱聲捧粵》,並陸續挖掘其他重點資料。呢張帖的確要設置成新成員必讀內容同論壇公告。

TOP

咁多哥哥姐姐都話支持。咁就敲噹噹!頂!!....丫

TOP

QUOTE:
以下是引用highyun在2007-4-20 20:25:03的發言:

樓主應該補充《縱聲捧粵》,呢個欄目係粵協成員嘅原創,受歡迎度極高。

另外論壇嘅資源下載版有蚊瞓版主定期更新,可以喺度搵到好多珍貴有用嘅資源。

受欢迎度高,是点击率高,还是回帖率高?

昨夜西風凋碧樹,獨上西樓,望盡天涯路。衣帶漸寬終不悔,為伊消得人憔悴。眾里尋她千百度,蓦然回首,那人卻在燈火闌处。是词境,亦人景。

TOP

支持~

TOP

  再一次補充條目,請行過路過者都睇睇此帖。

TOP

新黎報到~~~

TOP

唔错唔错,冇嚟错地方!

TOP

?? 多謝你哋嘅關心!領了!

TOP

我來也

TOP

太好啦!一路都喺度搵咁嘅粤语部落今日终于都搵倒啦!!

TOP

好嘢來?

TOP

useful
good
thanks

TOP

正啊,多谢晒~

TOP

我都支持下先。

[em09]

昨夜西風凋碧樹,獨上西樓,望盡天涯路。衣帶漸寬終不悔,為伊消得人憔悴。眾里尋她千百度,蓦然回首,那人卻在燈火闌处。是词境,亦人景。

TOP

新人,会多来看看。没有语言环境,粤语一直难长进。

TOP

 57 123
發新話題