發新話題
打印

港人不識「廣州話」

港人不識「廣州話」

上個禮拜過香港,同個師奶提到「廣州話」呢個詞,個師奶即時問:「廣州話係咪即係國語(佢當然係指官話)」?

我即時暈低,跟住同佢解釋:「即係廣東話」,佢先明。

 

係咪真係有好多香港人唔知「廣州話」為何物?

TOP

[友情公告, 請廣為傳達]唔好再叫Mandarin做『國語』


'國語'系台灣佬以前嘅叫法, 好多CP元老都唔承認咖! 台灣早已立法, 所有方言平等, '國語'唔一定系Mandarin!


將滿清製造嘅語言稱為國語系全體漢人嘅恥辱.

TOP

[轉]21世紀今日,依然宣揚中國存在所謂『國語』,屬於嚴重誤區

 


 1. 『國語』是舊中國——中華民國在二十世紀上半葉對一種人造漢語的稱呼。新中國——中華人民共和國之政·黨·軍從來不承認所謂『國語』,爾後重新規定讀音,炮製了一種新的人造漢語——『普通話』,作為各地無法以各自語言溝通時的普通臨時語言工具。 


2. 所謂『國語』本應隨著舊中國被取代而消亡,不過苟存於割據小島一隅,到2007年,該小島宣佈廢除『國語』一詞,改行包括各種語言在內的『國家語言』,從此『國語』一詞在中國兩岸乃至世界各地不復存在,同『大清』『皇上』等詞一樣成為歷史名詞。 


3. 到21世紀今日,依然宣揚中國存在所謂『國語』,或者無意識慣性傳播著『大請』『皇上』『國語』這些錯誤詞語的人,可能屬於:(A)不服新朝的前朝遺老遺少 (B)不知前朝不復存在的遺老遺少 (C)被遺老遺少玩弄於鼓掌中的無知人士 


4. 若新朝要重新復活『國語』一詞,其定義將會變成同『國家語言』一致,或者同『漢語』『中文』一致,而非同單獨的manchurian mandarin Poo通話一致。


轉自:
http://post.baidu.com/f?kz=298613656

 

TOP

  講眞,雖然廣州話係粵語嘅標準音,但係若果籠統噉將珠三角四鄉各處民眾(佛山、南海、番禺部分地區除外)嘅口音都講成係廣州話,當地人好多都唔受,喺順德尤其抵觸。喺大陸往往就以廣州話統括粵語,而香港人受「廣東話」多過「廣州話」有佢哋嘅理由,因為其他次方言粵語區都類同(儘管「廣東話」嘅講法學術上唔嚴謹)。 [ 本帖最後由 余OK 於 2007-12-25 12:08 編輯 ]

TOP

引用:
原帖由 余OK 於 2007-12-25 11:57 發表   講眞,雖然廣州話係粵語嘅標準音,但係若果籠統噉將珠三角四鄉各處民眾(佛山、南海、番禺部分地區除外)嘅口音都講成係廣州話,當地人好多都唔受,喺順德尤其抵觸。但以廣州話為母語嘅人往往就鍾意以廣州話統括粵語,香港人受 ...

啱先同几个顺德乡里倾过,佢哋都话,30岁以下嘅顺德人,几乎都唔识讲纯正顺德话,都系向广州话「进化」。

TOP

引用:
原帖由 顺德水蛇粥 於 2007-12-25 12:06 發表 啱先同几个顺德乡里倾过,佢哋都话,30岁以下嘅顺德人,几乎都唔识讲纯正顺德话,都系向广州话「进化」。
  冇調查冇發言權,建議去順德大良等地走一轉,就知咩回事,當然肯定有啲音素轉化咗,你話講得超純正嘅後生當然唔會太多,但未至於失眞,而且同化程度冇其他粵語區咁嚴重。

TOP

引用:
原帖由 余OK 於 2007-12-25 12:11 發表   冇調查冇發言權,建議去順德大良等地走一轉,就知咩回事,當然肯定有啲音素轉化咗,你話講得超純正嘅後生當然唔會太多,但未至於失眞,而且同化程度冇其他粵語區咁嚴重。 ...

同几个乡里倾过,即系小范围调查过,而且佢哋话多数后生都努力学习广州音,虽然多数人学得半咸淡。

TOP

  搞笑,乜興呢味嘢,小範圍抽樣調查。四鄉各處廣州音其實都唔使點學,自自然然就識講(特別係出到省城),就如煲冬瓜一樣。

TOP

天大笑话,资讯噉发达嘅年代,睇电视、听电台就得喇,何需趯出去省城学广州话?不过学得好唔好又系另一回事。

TOP

香港佬剩係認廣東話,唔認廣州話

TOP

我都反对「广州话」这个词,我乡下从来就没有这种说法。

省话、广东话、广府话,比较符合传统。广府=省府

广府话是广东话的标准音。

TOP

有感而發:再論「廣東話」Vs「廣州話」

  問粵語區四鄉各處(除已被廣州話同化嘅部分地區外)嘅民眾:你講緊嘅係咩話?佢首選回答係「××話」(××係當地所在市縣甚至細到鄉村)。若果籠統噉畀佢哋揀講嘅係「廣州話」定「廣東話」,佢十之八九答:梗係廣東話啦。而對外佢哋亦多數自稱講嘅係「××話」、「白話」或「廣東話」,尤其是對住撈嘅講,除非喺某啲情況,譬如用廣州音嚟同外鄉人溝通或者教外省人講粵語,噉先會話自己講嘅係廣州話(就算唔係十分標準都好)。呢點對於以廣州話為母語嘅人可能冇咁深體會,所以盧總曾經問過,所有粵語區嘅方音係咪都應該以廣州話統稱,我就覺得非常荒唐。


  香港係個移民城市,尤其係嚟自廣東各地,開埠之初移民口音各異,正如上述所講,縱使廣州音成為日後嘅主流音,佢哋自稱講嘅係「廣東話」重係有好深厚嘅根基。所以完全冇必要話佢哋數典忘祖唔認自己講嘅係廣州話。而新香港人係冇記憶嘅一代,更加唔prefer以另一個城市嘅話嚟稱呼自己母語,儘管年紀老啲嘅有意識應該係叫「廣府話」先啱(譬如李我)。見到好多廣州人攻擊香港嘅「廣東話」講法,我每次睇到都得啖笑。請嘗試唔好以廣州音正統思想自居嚟代入香港人嘅諗法(譬如假設自己母語係佛山話、南海話、順德話……),就會坦然好多,更深有同感應該與之融洽。


  而喺學術層面上,「廣東話」一詞係就係好唔嚴謹(同理,以廣州話統括粵語更加唔妥當),但對於普羅大眾嚟講,既然粵語係廣東嘅絕對強勢語言,你話要喺粵語、客家話、潮汕話揀其中一種嚟代表成個廣東,粵語點可以走得甩鷄?對住啲外省人提到自己講嘅係廣東話,有邊個會先入為主聯想到粵語以外嘅其他語言呢?所以喺民間「廣東話」唔存在歧義。兼且連正音正字都可以非常漠視嘅現代社會,叫「廣東話」呢啲小兒科又有乜大礙呢?


  我鍾意講「廣東話」,一萬個鍾意!

TOP

引用:
原帖由 余OK 於 2007-12-25 11:57 發表   講眞,雖然廣州話係粵語嘅標準音,但係若果籠統噉將珠三角四鄉各處民眾(佛山、南海、番禺部分地區除外)嘅口音都講成係廣州話,當地人好多都唔受,喺順德尤其抵觸。喺大陸往往就以廣州話統括粵語,而香港人受「廣東話」多過「 ......(儘管「廣東話」嘅講法學術上唔嚴謹)
學術上唔嚴謹??

咁"英文"係唔係又要改名??

咁"中文"又嚴唔嚴謹??

"廣州話"又如何嚴謹??

住喺香港薄扶林道
已經升咗上中三.....所以可以叫我中三仔

TOP

引用:
原帖由 余OK 於 2007-12-25 11:57 發表   講眞,雖然廣州話係粵語嘅標準音,但係若果籠統噉將珠三角四鄉各處民眾(佛山、南海、番禺部分地區除外)嘅口音都講成係廣州話,當地人好多都唔受,喺順德尤其抵觸。喺大陸往往就以廣州話統括粵語,而香港人受「廣東話」多過「 ...

冇几多顺德人抵触广州话,后生仔女更甚。

TOP

我近日都向几位顺德大良30岁以下嘅后生仔做过一个小范围嘅调查,发觉佢哋都表示自己喺顺德家乡坚持唔讲「广州音」,要讲番顺德话。 [ 本帖最後由 冯永生 於 2007-12-29 22:22 編輯 ]

TOP

引用:
原帖由 余OK 於 2007-12-26 14:13 發表   問粵語區四鄉各處(除已被廣州話同化嘅部分地區外)嘅民眾:你講緊嘅係咩話?佢首選回答係「××話」(××係當地所在市縣甚至細到鄉村)。若果籠統噉畀佢哋揀講嘅係「廣州話」定「廣東話」,佢十之八九答:梗係廣東話啦。而對外 ...

西班牙语的标准音是卡斯提利亚语,似乎没有人有异议。

香港人所说的广东话,包括四邑话和东莞话、顺德话。

广府话就特指省府城内话(李我说西关话不是正宗广府话)。

TOP

我細陣都唔識咩係廣州話 我把中啲人為咗講好聽先咁講 我地細細個就開始講廣州話 特別是作遊戲時 可以講 廣州話就係廣東Madarin 我亦奇怪老人家做咩成人講怪音怪詞 我去糾正渠地個講法 但反而畀人話我唔識講  不過大個先明解呢一切現象  可以講 石岐話經己嚴重廣州話化 我反而開始自覺講返舊時個種話 雖然好多人接受唔到 不過khaak huk困難 做做下就慣 [ 本帖最後由 vfshurmher 於 2008-1-2 21:27 編輯 ]
生存發展 同化北方 粵音必興 咾話必亡

TOP

發新話題